Блоглар

Җылы май бәйрәмнәренең, җәйге ялларның бер күңелсез ягы бар. Ул да булса, яшел урманнарыбызның буш банка, шешә һәм полиэтилен пакетларга «баеп» калуы.

Апрель җиттеме – татар Тукайны искә төшерә. Ни кызганыч, апрельдә генә аеруча актив “искә төшә” шул ул...

Бер айга соңлап калып булса да, Казанда татар әдәбиятының классик әдибе Галимҗан Ибраһимовның 125 еллык туган көнен билгеләп узалар. Кайберәүләр Ибраһимов иҗатын бүген бөтенләй өйрәнмәскә кирәк дип саный.

Казан зоопаркын күрергә барган идек – кабат бармас булып кайттык. Зоопарк – балалар белән йөри торган урын түгел икән шул.

“Иманлы”, “денле” дигән кешенең рухый байлык күрсәткечләрен бер читкә куеп, дини вазифаларны ачыклыйк. Чөнки Татарстан мөфтие Илдус хәзрәт Фәйз белән моңарчы үзен “Казан Кремле музее хезмәткәре” дип йөрткән Рамил хәзрәт Юныс арасында туган киеренкелектә диннең “д” хәрефе дә юк. Бер якта - “Татарстан мөфтие” дигән җитәкче, икенче якта “Казан Кремле” тыюлыгы җитәкчесенең дин эшләре буенча урынбасары булган хәзрәт үзара бер-берсенә буйсынмауларын күрсәтә. Ә алар арасында – Татарстанның иң танылган музей-мәчете “Кол Шәриф”кә хуҗа булу проблемасы тора.

Участок терапевтына су буе чиратны узып кереп, дару җитештерүче фирманы рекламалап утырган кызны үз күзләрем белән күрдем.

Айныткычларны япсалар да, исерекләр саны арта гына бара. Урамда аунап яткан кеше беркемне гажәпләндерми, «исеректер әле», дип узабыз.

2010 ел тарихка корылык елы буларак кереп калды. Тоташ өч ай буена җиргә бер тамчы яңгыр төшмәде. Һава 44 градуска кадәр кызды. Казанда укучы африкан студентлары да: “У нас стабильно 29 градусов, здесь до сорока доходит, куда столько?“- дип, үз якларына качып беттеләр...

Әгәр чагыштырып карасаң, гонаһларым - кимчелекләрем башкаларныкыннан ким түгелдер. Бик күпләр кебек мин дә динне ныклап белеп, аңар төшенеп җиткермим. Бик күпләр кебек кайвакытларда динчеләрне, җитәкчеләрне, сәясәтчеләрне һәм тагын әллә кемнәрне аңлап бетермим, шул ук вакытта аларга ихластан ышанган, өметләнгән, күңелемнән рәхмәтләр әйткән чакларым да аз түгел. Әмма беркайчан да моңа кадәр башыма "Безне Ходай саклыймы, әллә барсмы?" дигән икеле-микеле сорау килгәне юк иде. Болгарда яңа төзелә торган мәчеткә якын гына урында "Хранительница" һәйкәл куелачагы турындагы хәбәрне күргәч үзеннән-үзе шундый сорау туды. "Хранительница" дигәннәре, ягъни "саклаучы&quo

Япония тарихында 11 саны - Американыкына охшаш хәтәр эз калдырган сан. 2011 елның 11 мартында әлеге ил зур фаҗига кичерде. Японнар тарыган һәлакәт Американың 11 сентябрь трагедиясе кебек бөтен дөнья халкын тетрәндерде.