Сөмбел Билалова телетапшыру алып бара башлады
Җырчы Сөмбел Билалова үзен яңа төрле өлкәдә сынап карарга булган.
“Телевидениеда тапшыру алып барырга зур теләгем турында инде күп тапкыр әйткән идем. Ниһаять, бу теләгем тормышка ашты”, - дип язган Сөмбел.
Татар эстрадасының ике йолдызы Сөмбел Билалова һәм ИлГәрәй “Мәйдан” телеканалында “Хәрәкәттә бәрәкәт” тапшыруын алып барачак. Яңа алып баручыны кастинг, ә соңыннан тавыш бирү аша сайладылар. Нәтиҗәдә Сөмбел иң күп тавыш җыйган. Исегезгә төшерәбез, моңа кадәр бу тапшыруда ИлГәрәй белән Фәнил Вакказов эшләде.
“Хәзер театрда катнашасың калды”, - дип комментарий язганнар Сөмбелгә. Булганнан бар да була, диләрме әле?..
