"Диагнозы якынча бер ай элек ачыкланды" - Архитектура фәннәре докторы Нияз Халит вафат

8 Августа 2017

Укылган: 2260 тапкыр

Автор: Гөлнар ГАРИФУЛЛИНА
Бүген архитектура докторы, Татарстанның атказанган фән эшлеклесе, Татарстан Фәннәр академиясе Тарих институтының баш фәнни хезмәткәре булып эшләгән, Казан дәүләт архитектура-төзелеш университеты профессоры Нияз Халитов вафат булды. Нияз Халитовның улы – блоггер-сәяхәтче Рәйхан Халитов “Интертат” хәбәрчесенә әтисенең үлем сәбәбе яман шеш булуын әйтте. 

– Диагнозы якынча бер ай элек ачыкланды. Әтинең бер җире дә авыртмады, шуңа күрә көтелмәгән хәл булды, авыртуы турында беркем дә белмәде. Аны хастаханәгә салып та тормадылар, ракның соңгы стадиясе булгач, дәваларга инде соң булган. Ялгышмасам, яман шеш ашказан асты бизендә килеп чыккан.

Рәйхан әйтүенчә, диагнозын белгәч, Нияз Халитов әле аяк өсте йөреп торган, берничә тапкыр хастаханәгә дә барган.

– Диагнозын белгәч, нәрсә белән төгәлләнәчәген аңлады инде. Башта йөрде, әмма соңгы көннәрдә инде ятып кына торды, көче юк иде, бернәрсә ашамады да. Шушы соңгы бер айда ул әкренләп бетәшә барды. Әни барысын да сизеп тора иде, күп калмаганын аңлады, диде улы.


Рәйхан Халит 2015 елда Һиндстанда сәяхәт иткәндә юл фаҗигасенә тарыган иде. Татарстан Республикасы Президенты тырышлыгы белән аны Казанга алып кайтып дәваладылар. Нияз Халит "Татар-информ" агентлыгына интервьюсында улына ярдәм итүчеләргә рәхмәтен җиткергән иде. 

Июнь аенда исә Нияз Халит һәм Наилә Әлменова-Халитның “1920-1960 еллар башында Казанның татар архитектурасы стильләре һәм формалары” («Стили и формы татарской архитектуры Казани 1920-х и начала 1960-х годов») хезмәте бөтен Россия күләмендә үткәрелә торган “Елның иң яхшы китабы” бәйгесендә җиңү яулады.

Нияз Халит белән интервьюны"Интертат" сайтында укырга мөмкин.


Фикерләр








Җәмгыять

ТНВга эшкә кемнәрне алалар яки мин нигә телевидение йолдызы була алмадым: "Әйдә ТНВга!" бәйгесендә катнашучының күргәннәре

"Яңа Гасыр" телерадиокомпаниясе яңа "йолдызлар" кабызу максатыннан "Әйдә ТНВга!" дигән бәйге игълан иткән иде. Җиңүчеләр телеканалның грантын отып, КФУда журналистика белгечлеге буенча уку мөмкинлегенә, соңыннан телеканалда эшләү хокукына ия булды. Бәйгенең финалына үтеп, төп имтиханда төшеп калган катнашучының - Актанышның 1нче мәктәбе укучысы Энҗе Габдуллинаның "Татар-информ" агентлыгы өчен әзерләнгән репортажын тәкъдим итәбез.

Җәмгыять

Нәрсә ашап ябыгырга? Диетолог Гүзәл Закирова киңәшләре

Җәйгә дә кереп барабыз. Фигураның кимчелекләрен кышкы калын кием яшергән булса, хәзер җиңелчә кием белән “идеаль” ук булып булмый. Симерү мәсьәләсендә борчылган укучыларыбызның сорауларына “Туры элемтә” режимында физиолог-диетолог, илкүләм диетологлар җәмгыяте әгъзасы, гәүдә авырлыгын коррекцияләү буенча белгеч, 1 канал телеэксперты Гүзәл Закирова җавап бирде. 

Җәмгыять

Кемнәрне ешрак талыйлар һәм һөҗүмнән исән-сау котылу өчен нишләргә?

Каракка һәм талаучыга юлыксаң, нишләргә? Казан шәһәре буенча Эчке эшләр министрлыгы идарәсе җинаятьчеләр эзләү бүлегенең, караклык, талу очракларын ачыклау бүлекчәсе җитәкчесе Сергей Яковлев бу уңайдан киңәшләрен бирде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла