Уфадан Ләйлә һәм Рөстәм Галиевлар ни өчен клипларын Казанда төшергән?

4 Декабря 2017

Автор: Эльвира ШАКИРОВА
Татар эстрадасына “Кулга кул тотынып” җыры белән кергән Башкортстанның популяр җырлы гаиләсе Ләйлә һәм Рөстәм Галиевлар Казан тамашачысының күңелен яулавын дәвам итә. Бу көннәрдә аларның тагын бер клибы чыкты. Анысын җырчылар Казанда төшергән.

“Кояшым син” җырының сүзләрен Вазыйх Фатыйхов, көен Гүзәлия иҗат итте. Җырның авторы бу җырны сездә ишетәм дип, аны безгә тәкъдим итте. Гүзәлия безнең гаилә белән якыннан таныш, бергә гастрольләрдә йөрдек. Аның бик күп җырларын башкарабыз. Ни өчен клипны Казанда төшердекме? Үзебез Уфа шәһәрендә яшәсәк тә, клипны Казанда яшәүче профессионаллар тарафыннан төшерергә теләдек. Клипны төшерүчеләр – Казан кешеләре, аларга Казанда төшерергә уңайлырак булды. Аннан соң үзебезнең дә Казан тамашачысына якынрак буласы килде”, - дип сөйләде Интертатка Ләйлә һәм Рөстәм Галиевлар.

Блиц-сораштыру:

Ләйлә Галиева.

1. Кайда тудыгыз?
Башкортстанның Яңавыл районы Тау авылы.
2. Кайда укыдыгыз?
11нче сыйфныфны тәмамлагач, Стәрлетамак шәһәрендәге Сәнгать техникумының режиссерлык бүлегенә укырга кердем.
3. Әти-әниегезнең исеме?
Гүзәлия һәм Хәмит.
4. Буш вакытыгызда ни белән шөгыльләнәсез?
Аш бүлмәсендә мәш киләм, бәлеш пешерәм.
5. Тормыш девизыгыз?
Алга, тик алга! Аллага шөкер!

Рөстәм Галиев.

1. Кайда тудыгыз?
Башкортстанның Куергазы районы Яңа Мораптал авылы.
2. Кайда укыдыгыз?
Уфа дәүләт сәнгать институты, драма һәм кино актеры. “Нур” театрында 5 ел эшләдем.
3. Әти-әниегезнең исеме?
Ринат һәм Рисәләт.
4. Буш вакытыгызда ни белән шөгыльләнәсез?
Гаиләм белән үткәрәм.
5. Тормыш девизыгыз?
Нәрсә генә булмасын – барысы да яхшыга!

Рөстәм белән Ләйләнең алма кебек ике кызы үсеп килә. Алар өчен гаилә - һәрвакыт беренче урында. “Гаилә - таяныч һәм терәк ул” , - ди Галиевлар.


Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла