Рифат Зарипов: Фирдүс Тямаевтан ярты тапкырга күбрәк акча эшлим

4 Июня 2018

Автор: Юлия НАСЫЙБУЛЛИНА
Фото: Рамил Гали
Фирдүс Тямаевның елына 25 миллион акча эшлим дип сөйләгәнен хәтерлисезме? Рифат Зарипов аңа караганда күбрәк тә эшли икән. Бу хакта ул үзе сөйләде. Төркемдә эшләүче егет-кызларга да яхшы түлим, берсенең дә зарланганы юк, бар да канәгать, дип тә өстәде әле. Әмма быел Рифаттан музыкантлары китә башлаган, төркем таркалу ягында. Тавыш-гауга булмаса, шундый акчалы эштән берәү дә үзе теләп китми. Монда ниндидер сер яшерелгән төсле. Рифат шул хакта "Татар-информ"га сөйләде.

- Рифат, төркемегез таралган икән, нәрсә булды?

- Юк, таралмадык, баянчым Илфар гына китте. Киресенчә, киләсе сезонга төркемне ишәйтергә исәп. Зурдан кубып яңа музыкантлар эзлим. Барабан, саксафон һәм башка төрле уен кораллары белән тере тавыш ясарга ниятләп торабыз. Шуңа игълан биргән идем, имеш-мимешләр киткән. Утлар да алгач, җиһаз күбәйде, аппарат ташырга кеше кирәк (көлә).

- Илфар үпкәләп китте мәллә?

- Юк, үпкәләп тә, талашып та китмәде. Илфар белән беренче сезоннан алып бергә эшләдек. Һәркемнең үз эшләре, үз гаиләсе дигәндәй. Без бер сезонга 150-160 концерт бирәбез. Айлар буе гастрольдә йөрибез. Яңа гына өйләнешеп, бәби алып кайткан пар өчен шушындый тыгыз эш графигы авырга туры килгән, күрәсең. Ничек кенә булмасын, гаилә беренче урында булырга тиеш инде ул.

- Музыкантлар җыеп тере тавыш ясамакчы булабыз, дидең. Моңарчы ничек иде, әллә фонограммага җырладыңмы?

- Юк, моңа кадәр дә тере тавышка җырладым, аранжировкага. Яңа сезонда җырларны аранжировкасыз баян, гитара, барабан, саксафон кебек уен коралларына кушылып башкарырга ниятләп торам.

- Төркемдәгеләргә эш хакын күпмедән түләдегез? Ризасызлык белдерүчеләр булмадымы?

Миңа килеп зарланганнары булмады. Канәгать булганнардыр дип уйлыйм. Менә санап карагыз әле, аена 25-28 концерт бирәбез, көненә иң азы 3 мең сумнан гына санасагыз да 75-84 мең сум килеп чыга. Юк, түләү буенча егетләр дә, кызлар да зарланмый, киресенчә бик канәгать булып эшлиләр. Мин аларны үпкәләтмим. Без барыбыз да бергә бер эшне эшлибез, халыкка хезмәт итәбез.

- Бервакыт Фирдүс елына 25 миллион акча эшлим дигән иде. Ә сез күпме эшлисез?

- Фирдүснекеннән ярты тапкырга күбрәк эшлибез.

- Яңа сезонда тамашачыны күп үзгәрешләр көтә, димәк. Тагын нәрсә белән шаккаттырачаксыз, әле уйламадыгызмы?

- Яңа сезонда яңа җырлар, мәзәкләр, яңа кешеләр, кыскасы барысы да яңа булачак. Әзерлек бара. Әле менә клип төшереп йөрибез...

- Нинди җырга?

- "Сине күреп" дигән җырга. Әлеге җырны тамашачылар бик җылы кабул итте. Клипның асылында мәхәббәт, безнең танышу тарихы булачак.

- Төп рольдә тагын хатыныгызмы?

- Әбизәтелне. Хатынны танытам да, аннары аның концертларына йөри башлыйм (көлә).

 

 

Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла