Равил Галиев музыкаль театрны җитәкли

10 Ноября 2017

Укылган: 754 тапкыр

Автор: Эльвира ШАКИРОВА
Чаллыда Татарстанның атказанган артисты Равил Галиев җитәкчелегендә музыкаль театр оешты. Бу театр артистлары Чаллыда “Алай да була икән” дип исемләнгән музыкаль комедиянең премьерасын да тәкъдим итте инде.


“Театрны ике-өч ай элек “Эврика” мәдәният үзәге каршында драматург, шагыйрә, язучы Зөләйха Минһаҗева тәкъдиме белән оештырдык. Минем вазыйфаларым сәхнәгә кагылмаган оештыру эшләрен башкару, реклама урнаштыру һәм башкалардан гыйбарәт. Музыкаль театрның башка театрлардан аермасы шунда: спектакльләр җырга корылган, рольләрне нигездә җырчылар башкара. Бүгенге көндә театрда 5 артист бар: Инзилә Сәлимова, Сәрия Нәбиуллина, Мөнир Ситдыйков, Зәбир Хәлимов һәм мин. Аларның һәркайсы каядыр эшли, кемдер пенсиядә, бирегә буш вакытта җыелабыз. Артистларны туплап, репетицияләр ясап, әкрен генә премьера көненә дә килеп җиттек”, - дип сөйләде Интертатка Равил Галиев.

Аның әйтүенчә, музыкаль театрны артистлар үз көчләре белән оештырган. “Бу профессиональ театр түгел, аның үз бинасы юк. Дәүләт тарафыннан акча бирелеп эшләнелмәде. Ул үз көче белән беренче адымнарын гына ясый әле. Бу эшкә үзебездән чыккан идея белән тотындык. Беренче спектаклебезнең авторы – Зөләйха Минһаҗева. Бу - моңсу комедия. Мин бай кешенең машина йөртүчесе ролен уйныйм. Бер ир-атның ике хатын белән яшәвенә күнегелгән, ә монда бер хатын ике ир-ат белән яши. Яши генә түгел, инде яшәп картайганнар. Барысы да тормыштан алынган, булган хәлгә нигезләнгән”, - диде җырчы.



Музыкаль театр артистлары “Алай да була икән” спектаклен тирә-як авылларда күрсәтергә җыена. Киләчәктә Чаллы татар дәүләт драма театрында һәм Казан сәхнәсендә уйнарга телиләр. “Театр артисты булу, гомумән, бу шөгыль миңа ошый. Ләкин театр өлкәсе миңа ят түгел, Резеда Шәрәфиева белән уртак программаларыбыз да театральләштерелгән була иде”, - диде Равил Галиев.

Сүз уңаеннан, гыйнвар аенда Равил Галиев белән Резеда Шәрәфиеваның иҗатына 20 ел тула. Артистлар яңа тамаша әзерләү белән мәшгуль.

Фикерләр








Шоу-бизнес

Ришат Төхвәтуллин төркемендә җырлаган Алия Карачурина Гөлназ Асаева белән аралашудан туктаган: "Ришат үзе янында тыйнак кыз күрергә тели!"

Ришат Төхвәтуллин төркемендә җырлаучы Алия Карачуринага бик күпләр гашыйк. Бәйләм-бәйләм чәчәкләр, мәхәббәт хатлары - моның ачык мисалы булып тора. "Барысына да җавап бирәм, ләкин берсенә дә өмет бирмим. Чөнки минем йөрәгем буш түгел" - дип сөйләде Алия Интертатка. Шушы чибәркәйнең күңелен яулый алган бәхетле егет кем икән соң? Социаль челтәрләрдә Алияне Ришат белән дип язучылар күп. Бу чыннан да шулаймы?

Шоу-бизнес

Айдар Галимов гаиләдә бердәнбер артист булып калырга теләсә дә, теләге чынга ашмаган

Татарстан һәм Башкортстан Республикаларының халык җырчысы Айдар Галимов Казанда Тукай исемендәге дәүләт филармониясендә “Хыял...” программасы белән чыгыш ясады. Концерттан соң җырчы белән чынга ашкан һәм чынга ашмаган хыяллар хакында әңгәмә корып алдык. 

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла