Рафил Җәләлиев белән Эльмира Гыйльфанованың гаиләсе ишәйгән?!

13 Ноября 2017

Укылган: 4790 тапкыр

Автор: Эльвира ШАКИРОВА
Эстраданың яшь җырлы-моңлы гаиләсе Рафил Җәләлиев белән Эльмира Гыйльфанова Казанда фатир алган. Бүген алар яңа фатирларына күченү белән мәшгуль.
Халыкта “Йортка иң беренче песи кертсәң, нигезең тыныч булыр”, дигән ышану бар. Рафил белән Эльмира да фатирларына иң беренче булып песине кертергә уйлый. “Мин Рафилгә караганда, хорафатларга күбрәк ышансам да, фатирыбызга песи кертү идеясен ул тәкъдим итте. Песине шәһәр читендә яшәүче туганнарыбыздан алып тордык. Үзебезгә алып килгәч, куркып калды, өйгә керергә кыймады. Әнием сөйләвенчә, песи кайсы урынга барып ята, өйдәге иң тыныч урын шул булачак, ягъни йокы бүлмәсе шунда булырга тиеш. Ләкин песиебез туп-туры аш бүлмәсенә кереп китте. Мөгаен, фатирдагы иң тыныч урын шулдыр”, - дип сөйләде Интертатка Эльмира.



Яшь гаилә фатирны Казанның “Азино” микрорайонында ипотекага алган. “Фатирда ремонт ясалган, чиста, якты. Хуҗасы хәтта кайбер җиһазларны да калдырды. Сүз уңаеннан, бу фатирның хуҗасы әниемнең якташы булып чыкты. Ул – Чувашия Республикасының Озын Куак авылыннан. Күченү мәшәкате - рәхәт, әлбәттә, тик киемнәребез бик күп, аларны ташый-ташый арып беттек”, - диде җырчы.

Рафил белән Эльмираның өйләнешүенә әле күпме генә вакыт үтте, инде яшьләрне “кайчан гаиләгез ишәя?” кебек сораулар биреп аптыралар икән. “Менә мәчеле булдык, гаиләбез ишәйде!” – дип белдерде уены-чыны белән бергә Эльмира Гыйльфанова.


Фикерләр








Шоу-бизнес

Ришат Төхвәтуллин төркемендә җырлаган Алия Карачурина Гөлназ Асаева белән аралашудан туктаган: "Ришат үзе янында тыйнак кыз күрергә тели!"

Ришат Төхвәтуллин төркемендә җырлаучы Алия Карачуринага бик күпләр гашыйк. Бәйләм-бәйләм чәчәкләр, мәхәббәт хатлары - моның ачык мисалы булып тора. "Барысына да җавап бирәм, ләкин берсенә дә өмет бирмим. Чөнки минем йөрәгем буш түгел" - дип сөйләде Алия Интертатка. Шушы чибәркәйнең күңелен яулый алган бәхетле егет кем икән соң? Социаль челтәрләрдә Алияне Ришат белән дип язучылар күп. Бу чыннан да шулаймы?

Шоу-бизнес

Айдар Галимов гаиләдә бердәнбер артист булып калырга теләсә дә, теләге чынга ашмаган

Татарстан һәм Башкортстан Республикаларының халык җырчысы Айдар Галимов Казанда Тукай исемендәге дәүләт филармониясендә “Хыял...” программасы белән чыгыш ясады. Концерттан соң җырчы белән чынга ашкан һәм чынга ашмаган хыяллар хакында әңгәмә корып алдык. 

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла