" /> Нурзадә: "Әниемне җирләү сәбәпле, быел концерт оештырырга үземдә көч таба алмадым"

Нурзадә: "Әниемне җирләү сәбәпле, быел концерт оештырырга үземдә көч таба алмадым"

11 Октября 2017

Автор: Эльвира ШАКИРОВА
Унбер ел дәвамында концерт куйган җырчы Нурзадәнең быел Казанда концерты булмаячак. Бу хакта "Татар-информ" хәбәрчесенә җырчы үзе хәбәр итте.
- Концертым 7 ноябрьдә булырга тиеш иде. Әмма бер ел элек әниемне җирләү сәбәпле, быел концерт оештырырга үземдә көч таба алмадым. Күңелдә бушлык, бик авыр. Хәтта узган елгы концертның дискын да карый алмыйм, кыен. Кирәк дип кенә концерт куя торган гадәтем юк. Мин һәрвакыт барысын да төгәл уйлап эш итәм, зурдан кубып әзерләнәм. Концертның беренче өлешендә үзем, ә икенчесендә минем җырларны башкаручы артистлар чыгыш ясарга тиеш иде. Бәлки бу концерт язын булыр, Алла теләсә, - дип сөйләде Нурзадә.

Җырчының әнисе вафатыннан соң, авылда яшәүче әтисе янына Себердән энесе күченеп кайткан. "Икесе дә аш-су өлкәсендә бик уңганнар. Әти тәмле итеп ипи пешерә. Беркөнне интернеттан карап бәлеш пешергән. Алар мине гел шулай мул табын белән каршы алалар. 20 октябрьдә әнинең елын үткәрергә җыенабыз. Хәзерге вакытта шуңа әзерләнәм", - ди җырчы.

Мәгълүм булганча, Нурзадә быел яңа фатирга күченде. Өй туен ул үзенең туган көнендә үткәргән. "Бәйрәмгә гаилә дусларым, театр артистлары Алия һәм Фәнис Кәлимуллиннар, Динә һәм Илнур Закировлар, баянчы Илфат Шәехов килде. Шашлыклар пешереп, бик күңелле утырдык. Безнең шундый матур гадәт бар: туган көндә бер-беребезгә йөрешәбез. Миңа һәрвакыт кирәкле, файдалы бүләкләр бирәләр. Үзем дә "кирәкле әйбер бирегез", дим. Әйтик, өемдә урындыклар юк иде, Фәнис урындыклар алып килде. Әлегә кадәр газ плитәсе булмады, бөтен ризыкны мультиваркада пешердем. Җәй көне шунда хәтта кайнатмалар ясадым. Ниһаять, плитә алдым, тоташтырасы гына калды", - дип белдерде Нурзадә.

Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла