Мурат Гайсин чир аркасында 22 килога ябыккан

13 Сентября 2017

Укылган: 5051 тапкыр

Автор: Чулпан ШАКИРОВА
Танылган җырчы, популяр жырлар авторы Мурат Гайсин ике ай эчендә 22 килограммга ябыккан. Сер түгел, ябыгырга күптән теләде. Тик мондый нәтиҗәне ул үзе дә, якыннары да көтмәгән. 
Ябыгуның сере нәрсәдә булуын Муратнын үзеннән сорадык. 

- Соңгы елларда бигрәк тазарган идем шул, хәтта әнә фотографиям афишага сыймаслык дәрәҗәгә җитте. Концертлар белән йөргәндә дә кеше танымый: “Сез түгел бит бу, диләр, без таза ир-егет көттек, ә монда ниндидер яшь малай килде, диләр. Әле ничә ай элек кенә 96 килограмм идем, хэзер инде 74кә калдым.

- Ябыгу сере нидә, ниндидер диетамы бу?

- Бу дошманга да теләми торган "вынужденный" диета булды. Саулык аркасында ябыктым. Ә болай сәламәт кеше дә тота ала бу диетаны, зыяны юк, концертларга килгән тамашачыларга да язып бирәм кайчак. Бөтен ашау майсыз, тозсыз һәм шикәрсез. Беренче ике атна бик авыр. Әмма аннары ияләшәсең, яшисең килгәч. Соңгы арада артык авырлык җыя башлагач, ябыгу уе белән йөргән идем. Космос дигән әйбер бик көчле, теләкләр белән бик сак булырга кирәк икән. 



- Сәламәтлегеңә ни булды соң? Язын Казанда узган 30-яшьлек юбилей концертыңны уздыруга, интернетта хастаханәдә яткан фотоларың да күренде.

- Болай балачактан эч авырулары бар иде, бик игьтибар биргән генә булмады. Ә инде нәкъ концерт көнне эч катырак авырта башлады, мин инде аны дулкынлану гына дип уйлап врачка да барып тормадым... 



- Нишләп концерттан баш тартмадың? 

- Вәгъдә ителгән, зал тутырып кеше килгән,  ничек “отменять” итәсең  инде, юк! Тамашачыларым белә: төрле очракта концертымны куерга тырышам, кеше санына да карамыйбыз, 1000 кешеме, 30 кешеме залда. Вәгъдэ ителгән - куябыз.

- Авырган килеш фонограммага җырладыңмы?

- Фонограммага җырлауны, гомумән, сөймим. Эч авыртуның сәбәбе дә - дулкынлану дип кенә уйладым, әйтәм ич, шуңа һәр вакыттагыча тере тавышка җырлап чыктым, ләкин барыбер чир үзенекен итте: 3-4 җырдан соң "речевой аппарат"ка хәтле өзлегү бирде. Бу - дулкынлану түгел, беренче приступ булган икән... Шулай да эшлэп чыктык Аллага шокер. Тамашачыларыма һәм юбилейны оештырырга ярдәм итүчеләргә, котларга килгән иҗатташ дусларыма рәхмәт. Алар миңа позитив энергия биреп торды.  



- Хастаханәләрдә дә ятарга туры килдеме? 

- Башта өйдә генә дәваланып, аякка басармын дип уйладым. Әмма икенче приступ булып, алып киттеләр. Анда инде өйгә кайтармадылар, ярый исән калдым әле, табиблар вакытында ярдәм иттеләр. Рәхмәт аларга, яңадан тудым. 

- Шактый вакыт үткән, әмма авыруыңны тамашачыларыңа сиздермәдең...

- Чирләгәч кенә тормышка икенчерәк күзлектән карый башлыйсың шул күп очракта. Дин турында да онытмаска кирәк, әлбәттә. Тик ул теманы кузгатмыйм, күп сөйлисем дә килми, "күрсәтмә" дигән кебек, артистларны да әрлим кайвакыт. Бигрәк бөтенесе үзен күрсәтеп, "менә карагыз, мин ураза тотам, ифтарга барам" дип бер туктаусыз фото куялар. Дин бит инде кешенең күңелендә булырга тиеш, “Инстаграм”ында түгел.

- Дин дигәннэн "Эзлим сине" дип аталган яңа жырыңда син бик матур итеп азан әйткән кебек. Кайберәүләр сине Солтан Сөләйман турында булган "Великолепный век" фильмындагы геройларга охшата...

- Әйе, бу хакта әйткәлиләр.  Хатын-кыз тамашачыларым күптәннән гарәп, төрек, Шәрык, көнчыгыш стилендә җырлар сорый. Шундый юнәлештә дә эшләп карарга булдым.

- Мурат, ябыгу синең яңа имиджың гына түгел алайса? 

- Андый әйбердән махсус имидж ясамыйлардыр инде. Сәламәтлегем бүген Аллага шөкер, хәзер әйбәтләнде, тик барыбер бик күп ризыктан баш тартырга туры килә, ашарга ярамый. Тамашачыларга диагнозымны әйтәсем килми. 

Корсак "шиңгәч", хәзер сикереп тә, биеп тә була. Шуңа күбрәк күңелле җырлар башкарам хәзер.

Фикерләр








Шоу-бизнес

Азат Абитов Гөлсириннең интервьюсына җавап бирде: "Мин үземне хыянәтче дип санамыйм! Кулымда балдагым да, паспортта печать тә юк!"

Абитов Гөлсириннең "Азат хыянәт итте" дигән сүзләренә җавап бирде. "Мин әлегә өйләнмәгән, беркем белән дә никахлашмаган! Кулымда балдагым да, паспортта печать тә юк. Мин үземне гөнаһлы дип тә, хыянәтче дип тә санамыйм! - дип сөйләде җырчы "Интертат"ка.

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

Шоу-бизнес

Рифат Зарипов: Фирдүс Тямаевтан ярты тапкырга күбрәк акча эшлим

Фирдүс Тямаевның елына 25 миллион акча эшлим дип сөйләгәнен хәтерлисезме? Рифат Зарипов аңа караганда күбрәк тә эшли икән. Бу хакта ул үзе сөйләде. Төркемдә эшләүче егет-кызларга да яхшы түлим, берсенең дә зарланганы юк, бар да канәгать, дип тә өстәде әле. Әмма быел Рифаттан музыкантлары китә башлаган, төркем таркалу ягында. Тавыш-гауга булмаса, шундый акчалы эштән берәү дә үзе теләп китми. Монда ниндидер сер яшерелгән төсле. Рифат шул хакта "Татар-информ"га сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла