Казахстандагы бәйгедә Мәликә нигә стресс кичергән?

10 Октября 2017

Автор: Эльвира ШАКИРОВА
Казахстанның “Qazaqstan” телеканалында “Silk Way Star” дип исемләнгән халыкара музыкаль шоу бара. Проектта катнашучылар арасында Татарстан йолдызы Мәликә дә бар.

“Проект авторлары, җитәкчелеге үзләре мине эзләп табып, биредә катнашырга тәкъдим ясады. Шуны да әйтергә кирәк, Казахстан эстрадасы гаҗәеп югары дәрәҗәдә. Катнашучыларның барысы да көчле, талантлы. Бу – ярышка, көндәшлеккә корылган бәйге түгел, мине шунысы сөендерде. Кире очракта, мин анда катнашмас идем, чөнки ярышу сыман узган бәйгеләрне яратмыйм. Биредә катнашучылар белән бик нык дуслаштык. Һәркайсының чыгышын зур соклану белән күзәтәм”, - дип сөйләде "Татар-информ" хәбәрчесенә Мәликә.


Проектның беренче этабында Мәликә “Алматаның алмасы” исемле татар халык җырын башкарган. “Илебезнең хит җырын башкаруымны сорадылар. Мин репертуарымдагы “Алматаның алмасы” җырын җырларга булдым. Җырга аранжировщик Марат Мухин белән заманча рух бирдек. Казахстанлылар аеруча яратты”, - ди Мәликә.

Җырчы Казахстаннан кайтуга авырый башлавын белдерде. “20 көн дәвамында әзерләнү физик һәм психик яктан бик авыр булды, зур стресс кичердек дияргә мөмкин. Бер атна буе тора да алмыйча авырып яттым. Хәзер үземне яхшырак хис итәм”, - ди ул.

Проектның жюри әгъзалары арасында һәр илнең, шул исәптән Татарстанның вәкиле дә бар. Әйтик, беренче этапта жюрида Татарстанның халык артисты Фердинанд Сәлахов булган. Шунысы бар, аңа үз иле, ягъни Мәликә өчен тавыш бирергә ярамый.

Өч ай дәвамында барачак шоу 12 этапка бүленгән. Беренче турда җырчылар үз телләрендә җырлый, икенчесендә – казах телендә җыр башкара, өченчесендә үз илләренең җырын казах телендә җырлаячак. Проектта Татарстан, Башкортстан, Казахстан, Әзербайҗан, Төркия, Грузия, Кыргызстан, Үзбәкстан, Таҗыкстан илләре вәкилләре катнаша. Телешоу әлеге илләрнең каналларында да трансляцияләнер дип планлаштырыла.

Татар халык җырын Казахстан җирлегендә яңгыраткан Мәликә өчен vote.kaztrk.kz сайтында тавыш бирергә мөмкин. Татарстанны әледән-әле төрле бәйгеләрдә тәкъдим итүче моңлы һәм үзенчәлекле тавышлы, чибәр, тырыш Мәликәгә зур уңышлар телибез. Татар халык җырларын саклауда өлеш керткәне өчен афәрин аңа! 

Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла