Бәйрәмнәрдә тазарган артистлар: Ризат дүрт килога арткан, Гүзәл Идрисова ватсапта диета тота

11 Января 2018

Автор: Эльвира ШАКИРОВА
Нинди генә диетада утырсаң да, ашамаска тырышсаң да, Яңа ел төнендә табындагы ризыкның барысын да татып карыйсы килә. Нәтиҗәдә уйламаганда-көтмәгәндә артык авырлык җыела. Артистлар Яңа ел бәйрәмнәрендә ничә килога симергән дә, ничек ябыгырга җыена икән?


Алимә Сафина: Себердәге гастрольләрдән, ягъни 10 декабрьдән бирле симерә башладым. Яшермим, барлыгы 7-8 килога тазардым. Һәм, ниһаять, Яңа ел ялларында ныклап ябыга башладым. Формага кайту өчен тагын 4 килога ябыгасым бар. Моның өчен ашауны киметергә, сәламәт яшәү рәвеше алып барырга, кичке 7дән соң бөтенләй ашамаска кирәк.



Ризат Рамазанов: 4 килога тазардым. Артык авырлыкны фитнеска йөреп, диета саклап ташларга исәп. Ул диетаны барысы да белә инде: кыяр, помидор, кызыл борыч, тавык түше, зәйтүн мае һәм әз генә тоз салынган салат. Бер ел элек шушы салатны ашап, өч көндә 3 килога ябыккан идем.

Лилия Гыйматдинова: Бер дә симермәдем! Минем ялым бик актив үтте. Урамда йөреп, чаңгыда шуып рәхәтләндем.

Азат Фазлыев: Гыйнвар аенда симермәдем, киресенчә, ябыктым. Эшләргә кирәк, эшләсәң, симермисең.


Айгөл Бариева: 4 килога тазарган идем, 2гә ябыктым да инде. Ашауны киметтем. Күп итеп су эчәм. Аннан соң эш белән чабулап, артык авырлык үзеннән үзе бетте.



Гүзәл Идрисова: Яңа ел ялларында 2 килога тазардым. Бүгеннән ябыга башладым. Фитнес белән шөгыльләндем. Дөрес туклануга күчәм. Ватсапта диета тотучылар төркеме бар, анда диетолог киңәшләрен бирә, көн саен меню җибәрә. Бергә булганда, диетаны тоту җайлырак.



Раяз Фасыйхов: Бик симермәдем, чөнки актив ял иттек. Гаиләмне машинага утыртып, Банное күле (Яктыкүл) янындагы тау-чаңгы базасына алып бардым. Ашап, эчеп кенә ятмадым.



Сиринә Зәйнетдинова: Бик тиз тазарам, шуңа күрә көн аралаш спортзалга йөрим. Өчәр сәгать шөгыльләнәм. Гүзәл Идрисова белән бергә диетолог ярдәмендә ябыгырга телибез.



Мөнир Рахмаев: Ничек 79 кило булсам, шулай ук калдым. Минем организм шундый: күпме ашасам да, тазармыйм. Мин бит һәрвакыт хәрәкәттә, эштә. Яңа елдан соң ике генә көн ял иттем. Ябыгырга теләүчеләргә киңәшем шул: дөрес тукланырга, чабарга, шөгыльләнергә кирәк.



Зәйнәб Фәрхетдинова: Тазармадым! Хәрәкәттә бәрәкәт! Контроль көчле! Ризыкны аерым ашыйм. Мәсәлән, бәрәңге икән, бары тик бәрәңге генә ашарга. Ипинең үзен, итне дә шулай ук аерым ашарга кирәк. Тозсыз, шикәрсез, әлбәттә...



Эльвира Хамматова: Ни гаҗәп, быел Яңа ел бәйрәмнәрендә ашап ятмадым, шуңа да тазармадым. Дөрес итеп, тәртипле рәвештә ашадым. Гадәттә, белештермичә ашыйбыз да, аннары ашказаны эшләсен өчен дару эчәбез. Быел исә үземне саклап кына бәйрәм иттем.



Зөлфәт Фәхретдинов: Ябыгасы юк, чөнки симермәдем. Гел селкенеп, эшләп тордым. Үзеңне карап тормасаң булмый бит, формада булырга кирәк. Улым белән күбрәк урамда йөрү шәп булыша.

Фикерләр








Шоу-бизнес

Рифат Фәттахов Гөлсиринне магистратурада укытырга теләми: "Укуны Венера Ганиевада дәвам иттерүнең мәгьнәсен күрмим!"

Күптән түгел генә Гөлсирин Абдуллинаның югары уку йортын тәмамлап, зәңгәр диплом алуы хакында язган идек. Җырчының зәңгәр төстәге дипломы укучыларыбыз арасында шау-шу уятты. Гөлсириннең продюсеры да ризасызлык белдерде. "Шаккатмалы хәл, инде Гөлсирингә дә кызыл диплом бирмәгәч... Башкалар үпкәләмәсен, әмма Венера Ганиеваның быелгы чыгарылышы арасында профессиональ сәхнәдә иң зур уңышка ирешкәне Гөлсирин Абдуллина!" - диде Рифат әфәнде Фәттахов Интертатка.

Шоу-бизнес

Артистлар халыкны акча санауда гаепли: “Ни өчен без бушка эшләргә тиеш?”

Кайсы гына җырчының социаль челтәрдә аккаунтын ачып карама, анда артистның чит илдә ял итүен, матур йортта яшәвен, яхшы машинада йөрүен, затлы күлмәкләр киюен тасвирлаган фотоларга юлыгасың. Кайбер очракларда  җырчыларның бу фотосүрәтләре очын-очка ялгап яшәүчеләрнең ачуын чыгара - бу фотолар астында калдырылган комментарийларда ачык күренә. Күпләр артистларны байлык артыннан чабучылар дип гаепли. Татар эстрадасы артистлары мондый тискәре мөнәсәбәт турында нәрсә уйлый? “Интертат” хәбәрчесе шуны белеште.

Шоу-бизнес

Татар тамадалары туйны күпмегә алып бара: бәяләр рейтингы

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла