Азат Абитов - Рифат Фәттаховның киявеме?

10 Сентября 2017

Укылган: 3672 тапкыр

Автор: Эльвира ШАКИРОВА
Җырчы Азат Абитовның өр-яңа "Онытыл" җырының клибын күргәч, әнә шундый сүзләр йөри башлады. Клипта төшкән төп героиня Айбикә - Азат Абитовның продюсеры Рифат Фәттаховның кызы.  

- Азат, Айбикә белән бергә клипта төшүегез күпләрне шаккатырды. Моны ничек аңларга?

- Айбикәнең төп рольне башкарачагын соңгы көнгә кадәр белмәдем. Режиccердан да, Айбикәдән дә сорадым, "тиздән белерсең, сюрприз", диделәр. Бу рольне аңа режиссер үзе тәкъдим иткән. Айбикә куркып кына алынган, шуңа күрә клипта төшүе турында ахырга кадәр әйтмәде. Ул хәтта профессиональ актриса чакыру турында да уйлаган, тик, минемчә, ул бу рольне бик шәп башкарды.


- Сез Айбикә белән нинди мөгалләмәдә?

- Без мин фестивальдә катнашканнан бирле таныш. Көн дә элемтәдә. Гел аралашып торгач, клипта икәү төшү авырлык тудырмады. Ләкин мәхәббәт уйнавы кыенрак булды. Кайбер күренешләрне кат-кат төшерергә туры килде, чөнки гел икебезнең беребез көлде. Айбикә белән бары тик эшлекле мөнәсәбәтләрдә без. Клипны минем туган авылым - Чувашстанның Шыгырдан авылында яшәүче икетуган апамның өендә төшердек.

- Азат, клипта Айбикә белән караватка ятып төшкәнсез. Бу күренешне тәнкыйтьләүчеләр булмадымы?

- Әле клип чыкты гына, күреп өлгермәүчеләр дә бардыр. Әлегә кадәр тискәре фикер әйтүче булмады һәм булмас дип уйлыйм.

- Клипта бик оста итеп, тәмен белеп уйныйсың. Кинода төшәргә теләгең юкмы?

- Төшәр идем! Әмма кинода төшү бик авырдыр дип уйлыйм, чөнки 4 минутлык клипны да 3 көн буе төшердек.

- Рифат Фәттаховның кияүе булыр идеңме?

- Миңа бу хакта уйларга иртәрәк әле, мин өйләнергә җыенмыйм. Ләкин барысы да Аллаһы Тәгалә кулында.

- Рифат Әхмәтович клипка нинди бәя бирде?

- "Клип әйбәт!" - диде. Артык сүз әймәде.

- Азат, җырның темасы тирән мәгънәгә ия. Ул күңелдә сагыш хисләре уята. Ни өчен аны үз репертуарыңа алдың?

- Бу җыр минем тормышыма туры килә. Һәм нәкъ шундый чакта миңа насыйп булды ул. Аның авторлары - Айдар Тимербаев һәм Айдар Минһаҗев. Айдар абыйга күңел халәтемне сөйләгәч, шушы җырны тәкъдим итте. Мин шундук аны үз иттем.

Фикерләр








Шоу-бизнес

Азат Абитов Гөлсириннең интервьюсына җавап бирде: "Мин үземне хыянәтче дип санамыйм! Кулымда балдагым да, паспортта печать тә юк!"

Абитов Гөлсириннең "Азат хыянәт итте" дигән сүзләренә җавап бирде. "Мин әлегә өйләнмәгән, беркем белән дә никахлашмаган! Кулымда балдагым да, паспортта печать тә юк. Мин үземне гөнаһлы дип тә, хыянәтче дип тә санамыйм! - дип сөйләде җырчы "Интертат"ка.

Шоу-бизнес

"Без Азат белән йоклап йөрмәдек..." Гөлсирин Абдуллина, хыянәт итүдә гаепләп, Абитовны ташлаган

Гөлсирин белән Азат турындагы имеш-мимешләр чын булып чыкты. Алар арасында дөрестән дә мәхәббәт булган. Мәхәббәтнең дә ниндие бит әле! Таһир-Зөһрә, Хөсрәү вә Шириннәрнеке кебек Азат белән Гөлсирин мәхәббәте. Нәкъ шундый ук чиста, саф, эчкерсез мөнәсәбәтләр турында ачылып сөйләде Гөлсирин Абдуллина. Азатның каһәр суккан хыянәте булмаса, яшьләр өйләнешкән дә булырлар иде, бәлки. Бу хакта ул "Татар-информ" хәбәрчесенә сөйләде.

Шоу-бизнес

Рифат Зарипов: Фирдүс Тямаевтан ярты тапкырга күбрәк акча эшлим

Фирдүс Тямаевның елына 25 миллион акча эшлим дип сөйләгәнен хәтерлисезме? Рифат Зарипов аңа караганда күбрәк тә эшли икән. Бу хакта ул үзе сөйләде. Төркемдә эшләүче егет-кызларга да яхшы түлим, берсенең дә зарланганы юк, бар да канәгать, дип тә өстәде әле. Әмма быел Рифаттан музыкантлары китә башлаган, төркем таркалу ягында. Тавыш-гауга булмаса, шундый акчалы эштән берәү дә үзе теләп китми. Монда ниндидер сер яшерелгән төсле. Рифат шул хакта "Татар-информ"га сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла