Артистлар Яңа ел каникулларын ничек үткәргән?

9 Января 2018

Укылган: 1910 тапкыр

Яңа ел яллары, каникуллары күз ачып йомганчы узып та китте. Гадәттә, бу көннәрдә халык кунактан кунакка йөри, яисә өйдә ял итә, балаларын төрле күңел ачу чараларына алып бара. Ә татар эстрадасы артистлары Яңа ел бәйрәмнәрендә кайда һәм ничек ял иткән икән?
Элвин Грей (Радик Юльякшин) Тайландның Паттайя шәһәрендә ял иткән. “Барысыннан да ял итәргә булдым. Хәтта социаль челтәрләрдән дә”, - ди ул.



Алсу һәм Азат Фазлыевлар – ял белмәс, уңган һәм тырыш гаилә! Алар Яңа ел бәйрәмнәрендә Татарстанның төрле район-авылларында банкетлар алып барган. “Безнең өчен яллар 8 гыйнвар көнне башланды. Кызганыч, балаларның каникуллары тәмам. Ләкин каникулның соңгы көнендә булса да, балаларны кинотеатрга мульфильм карарга алып бардык”, - диде Алсу.



Дилә һәм Булат Нигъмәтуллинар Яңа ел бәйрәмнәрендә гастрольләргә кузгалды. Хәзерге вакытта абыйлы-сеңелле дуэтның тамашалары Әлмәт районы авылларында бара.



Ришат Төхвәтуллинның каникулы туган ягы – Карамалы Гобәй авылында узган. Ришат волейбол уйнарга да, укытучылары белән күрешергә дә, бәби карарга да өлгергән.



Илсөя Бәдретдинова 2 гыйнвар көнне үк Балык Бистәсе районы Тегермәнлек авылына концерт белән чыгып киткән. Җырчының концертлары ай буе Татарстанның төрле район-авылларында булачак.



Рифат Зариповның да 2 гыйнвардан Әтнәдә концертлары башланган. “Мин игезәгемне таптым! Ул минем концертларымны алып бара. Бик талантлы, ышанмасагыз, килеп күрегез!” – ди артист. Ә Яңа елны Рифат Казанда гаиләсе белән каршы алган.



Иркә Яңа ел бәйрәмнәрен гаиләсе белән үткәргән, кызларын төрле күңел ачу чараларына алып барган. Шуларның берсе - балалар өчен мультфильм. Кызлары да, Иркә үзе дә мульфильмны бик ошаткан.

Гомумән алганда, Яңа ел бәйрәмнәрен эшләп үткәргән артистлар күп булган. Кайберләренең яллары, киресенчә, башлана гына икән әле...

Фикерләр








Шоу-бизнес

Айсылу Габдинова: Илфак Шиһаповның соңгы көннәре минем белән узды, аның нәрсә кичергәнен бик яхшы беләм

Айсылу Габдинованы мәрхүм Илфак Шиһаповның продюсер буларак таныткан соңгы иҗат проекты дияргә була. Вафатына кала бер ел чамасы ул Айсылу белән эшләде һәм аны халыкка күрсәтеп калдырды.  Хәзер Айсылу Илфак Шиһаповның дусты, татар продюсеры Рифат Фәттахов белән хезмәттәшлек итә. Җырлаудан тыш, ул ТНВдагы “Кайнар хит” тапшыруын да алып бара. 

Шоу-бизнес

Раил Садриев: Мине элек маймыл шикелле генә кабул итәләр иде

Татарстан Республикасы Милли китапханәсендә Татарстанның атказанган артисты, Буа татар дәүләт сатира һәм юмор театрының сәнгать җитәкчесе Раил Садриев “Сез әле мине белмисез...” дип аталган моноспектаклен тәкъдим итте. Тамашачы күңелендә көлкеле образлар тудыруы белән, юмор остасы буларак урын алган Раил Садриев Казан тамашачысына бөтенләй башка яктан ачылды. 

Шоу-бизнес

Әбри Хәбриев мәдәният министры булырга җыена: Җырлый белмәүчеләрнең денен алам!

Мәдәният министры Айрат Сибагатуллин отставкага китте дигән хәбәр пәйда булу белән бу урынга дәгъва кылучылар "чиратка басты". Кайберәүләр, туйларына тамада сайлаган кебек, берсеннән-берсе шәп алып баручыларны министрлыкка тәкъдим итә башлады. Икенчеләре исә уйлап кына, чынлап торып татар мәдәниятенә яңа сулыш өрергә сәләтле булган милләттәшләребезне тәкъдим итте. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла