Камада баткан 14 яшьлек кызның гәүдәсен тапканнар

1 Августа 2017

Укылган: 1201 тапкыр

Тукай районы “Чаллы Яр” торак комплексында Кама елгасында 14 яшьлек кыз бала батып үлгән.

Кичә , ягъни 31 нче июль көнне13 сәгать 30 минутта, Яр Чаллыда яшәгән кыз, 16 яшьлек иптәш кызы белән су коеныр өчен, Кама буена килгән. Россия Гадәттән тыш хәлләр министрлыгының Татарстан буенча идарәсе мәгълүматларына караганда, бу урын йөзү өчен рөхсәт ителмәгән булган.

14 сәгать 30 минутта кыз суга кереп, 15-20 метр йөзгәч, күздән югала. Шаһитләр коткаручыларны чакыра. 16 сәгать 07 минутта ярдан 15 метр ераклыкта 5 метрлы тирәнлектән 6 нчы зона эзләү-коткару отряды водолазлары һәлак булган кызның гәүдәсен таба.


Коткаручылар искәртә:

-         Су коену тыелу турында кисәтүче щитлар куелган урыннарда су керергә ярамый;

-          Белмәгән, таныш булмаган урыннарда йөзәргә кирәкми;

-         Моторлы, җилкәнле көймәләргә һәм башка йөзү чараларына якын килмәскә;

-         Катер, көймәләрдән, төрле корылмалардан суга сикерергә ярамый;

-         Сулыкларны пычрату тыела;

-         Исерек халәттә су коенмаска;

-         Су бена үзең белән этләр яки башка хайваннар ияртеп килмәскә;

-         Уен өчен каралмаган урыннарда туп белән яки башка төрле спорт уеннары уйнамаска;

-         Юри баткан булып кыланып сөрән салырга ярамый;

-         Салларда, автомобиль камераларында, кабартылган матрацларда йөзмәскә.

Һәр кеше суда батып баручы кешегә булдыралганча ярдәм итәргә тиеш

Фикерләр








Хәвеф-хәтәр

"Аллаһка шөкер, кызым исән" - Инвалид кызын коткарырга теләп, ялгыз ана урамда калган

Суд приставлары килгәннән соң, Чаллыда яшәүче 62 яшьлек Инсия Фәрхетдинова инвалид кызы белән үзенең өч бүлмәле фатирын калдырырга мәҗбүр була. Инде икенче атна алар аена 5 мең сум түләп, танышларында яшиләр. Грамоталы кеше -  укытучы - нишләп мондый хәлдә калган соң?  

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла