Мамадышта 10 айлык бала конструктор детале белән тончыккан (видео)

10 Августа 2017

Укылган: 1145 тапкыр

10 айлык кыз абыйсы белән уйнаган вакытта тыны кысыла һәм зәңгәрләнеп чыга, сулаудан туктый. Балага бабасы ясалма сулыш ясап беренче ярдәм күрсәтә. Бу хакта Эфир24 каналы хәбәр итә. 
Хәзерге вакытта барысы да яхшы, әмма килеп чыккан хәл турында 10 айлык сабыйның әнисе һаман да күз яшьләре белән искә ала. 

- Балалар уенчыклар белән уйнадылар. Мин читкә борылып кына торган идем, кызымның тыны кысыла башлады, зәңгәрләнеп чыкты. Бөтенләй суламый башлагач, бабасы ясалма сулыш ясады, аз генә сулый башлады, ләкин аңсыз иде", - дип сөйли әни кеше. 

Баланы тиз арада ашыгыч ярдәм хастаханәсенең реанимация бүлегенә алып киләләр. Педиатр бу очракны уникаль дип сөйли:

- Баланы авыр хәлдә ашыгыч ярдәм белән алып килделәр. Баланы монда алып килгәннән соң, аны тиз арада яңа реанимация блогының 3 катына алып менделәр. Барлык белгечләрне, шулай ук өйдә дежур торган белгечләрне чакырдык, хирургия бүлеге мөдире Булат Арслановны, педиатрларны, ренгент белгечләрен чакырганнан соң - балага беренче ярдәм күрсәттеләр.

Табибларның тиз арада ярдәм күрсәтүләре һәм  күптән түгел генә хастаханәгә алынган яңа аппарт ярдәме белән кызның гомерен саклап калалар. 

 - Безнең төп максат - тын алуга комаучаулаган һәм тын юлларын каплаган каршылыкны юкка чыгару иде. Яңа аппарат - бронохоспоп ярдәмендә тын юлындагы чит предметны алуга ирештек, - дип белдерде район хастаханәсенең хирургия бүлеге мөдире Булат Арсланов. 

  Хәзерге вакытта кызның гомеренә куркыныч янамый, дип белдерә табиблар һәм әти-әниләрне кисәтәләр:

 сындырырга, аерырга һәм кечкенә детальләрен авызга кабарга мөмкин булган барлык уенчыклар балалар тормышы өчен куркыныч. 


Фикерләр








Хәвеф-хәтәр

Яр Чаллыда табибны атып үтергән 87 яшьлек Мисбах бабай акланырга мөмкин?

Татарстанда аклау Комиссиясе табиб Андрей Железновка кул таягыннан ясалган мылтыктан аткан гаепләнүче Мисбах Сәхәбетдиновның гаризасын кабул итте. Бу хакта "Челнинские известия" газетасы яза. 

Хәвеф-хәтәр

Түбән Камада 7 яшьлек бала тәрәзәдән егылып төшеп үлгән

Дүшәмбе көнне, кичке сәгать бишләр тирәсендә, Түбән Каманың Студенческая урамындагы 5А йортының 7 катыннан 7 яшьлек бала егылып төшә. Бу хакта NTR-24.RU сайты хәбәр итә. 

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла