Казан уртасында дүрт балага хуҗасыз этләр чирүе ташланган, икесе хастаханәдә
Тикшерү комитеты Казанда дүрт балага хуҗасыз этләр чирүе ташлану очрагын тикшерә.
Балаларның 9 һәм 12 яшьлек икесе Республика Балалар клиник хастаханәсендә яраларын дәвалый.
Казан мэриясе матбугат сәркатибе Владимир Казанцев аңлатканча, кичә хуҗасыз этләрне җыючы махсус оешмага бу хайваннарны тоту турында гариза килгән. Бүген оешма хезмәткәрләре һәм территориясендә коточкыч хәл килеп чыккан Үзәк стадион вәкилләре этләрне эзли башлаган, дип хәбәр итә "Татар-информ" агентлыгы.
Балаларга һөҗүм иткән урында эзләп тә, этләрне әлегәчә тапмаганнар. Стадион районына хуҗасыз этләр чирүе кайсы яктан килгәне ачыкланганчы, мондый тикшерү дәвам итәчәк.