Газ баллоны белән уйнау аркасында 14 яшьлек үсмер үлгән

Башкортстанның Мәләвез шәһәрендә 14 яшьлек укучы һәлак булган, 13 яшьлеге сырхауханәгә эләккән. "Вести" хәбәр итүенчә, ике яшүсмер көнкүреш өчен кулланыла торган газ баллоны сатып алган. Әниләре өендә булмаудан файдаланып, теленә сиптерә башлаганнар.

Бераздан аларның икесенең дә хәлләре авырая. Алар ашыгыч ярдәм чакыра, әмма табиблар килгәндә үсмер инде үлгән була.

Тикшерү комитеты бу факт буенча эш башлаган.