Елга өстендә "тарзанка"дан егылып, баланы су агызып алып киткән
Малайның гәүдәсен әлегә тапмаганнар.
Башкортстанның Туймазы районында фаҗига булган. Бу турыда «Башинформ» хәбәр итте.
Балигъ булмаган балалар елга өстендә бауда уйнаганнар. Мондый уенны «тарзанка» дип атыйлар.
Бер мизгелдә бау өзелгән. Малай суга егылып төшкән. Көчле агым баланы агызып алып киткән. Малай һәлак булган. Аның мәетен әлегә тапмаганнар, диелгән әлеге хәбәрдә.
Россия Тикшерү комитетының Башкортстан буенча идарәсе хәбәр иткәнчә, фаҗига буенча тикшерү эшләре бара.