Чаллының элекке башкарма комитеты җитәкчесе Фәрхәт Латыйпов кулга алынды

22 Ноября 2017

Укылган: 1015 тапкыр

Чаллы башкарма комитеты җитәкчесе Фәрхәт Латыйпов шәһәрдәге һәм Тукай районындагы җирләрне үзләшетерүдә гаепләнә. Фәрхәт Латыйпов этап белән Казанга җибәрелгән, суд аның язмышын хәл итәчәк. Аның адвокаты Евгений Котов "Татар-информ" агентлыгына Чаллының элекке җитәкчесен иреккә чыгарыр өчен тырышачагын әйтте.

Тикшерү фаразы буенча "Еврогрупп" компаниясе юристы Альберт Хәлиуллин, аның танышы Айрат Мәрдәншин һәм Тукай районы башкарма комитеты җитәкчесе Рәсим Асылгәрәев Тукай районындагы 33,9 мең кв.метр урман фонды җирләрен үзләештерә. Мәрдәншин шулай ук Тукай районындагы 10 миллион сумлык 1 гектар җирне дә үзләштерә. 

Мәрдәншинның Чаллыдагы җирләрне үзләштерүгә дә катнашы барлыгы ачыкланган. Тикшерү фаразы буенча, 2013 елның маенда берничә кеше Чаллыдагы 40 мең һәм 5,5 мең кв.метрлы җир мәйданнарын үзләштерә. Шул максаттан алар Латыйпов һәм башкарма комитеттагы башка кешеләр белән элемтәгә керә. Ул түрәләр, тендер уздырып тормыйча гына 200 мең сумга җир кишәрлеген сатып җибәрә. Аннары бу җир кишәрлеген 136,5 миллион сумга саталар.




Башкарма комитет җитәкчесенең адвокаты Евгений Котов әйтүенчә, Фәрхәт Латыйпов ниндидер шаһитлар күрсәтмәсеннән соң кулга алынган. Ул кешеләрнең исемнәре әйтелми.

"Андый зур җир кишәрлекләрен арендага бирү турындагы карарны муниципалитеттагы күпсанлы хезмәткәрләр әзерли. Бүлекләр җир кишәрлеген бирүнең законлымы-юкмы икәнлеген тикшерә. Шул сәбәпле, без Латыйповның җинаятькә катнашы барлыгын танымыйбыз, ул үз вазифасында каралган чикләрдә эшләгән. Документка кул куйганда ул аларның эшләнгән булуына ышанган", - ди адвокат.

Котов Латыйпов өчен башка кеше имза куйган булуы да мөмкин диде.

"Экспертиза кайбер документларда Латыйпов өчен башка кеше имза куйган булуын ачыклады. Андый фактлар булды", - ди ул.

Фикерләр








Хәвеф-хәтәр

Көтмәгәндә: Казан кешесенең машинасы агач астында калган

14 декабрь көнне Казанда балалар бакчасына йөрүче улын алырга килгән ир-атның җиңел машинасына өрәңге агачы ава. Нәтиҗәдә, машинаның алгы ягына зыян килә. Бәхеткә, машина йөртүче үзе бу вакытта автомобилендә булмый. 

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла