35 яшьлек ир хатынының күз алдында батып үлгән
"ГЛОНАСС-112" системасы буенча, кичә, кич, Криуша елгасының Алабуга шәһәр пляжында 35 яшьлек ир - ат батып үлгән дигән хәбәр килеп ирешә. Бу хакта "Новая Кама" газетасы яза.
Һәлак булучының хатыны сүзләренчә, ире суга сикерә һәм кире чыкмый. Ул үзе ирен эзләп тә карый, тик файдасыз була. Ачыкланганча, бу көнне ир - ат үзенең туган көнен бәйрәм иткән була. Бу хакта газетага полиция бүлегендә хәбәр иткәннәр. Хәзерге вакытта баткан ирне эзләү эшләре бара.