2016 елда югалган студентның мәетен Болгар шәһәре янында тапканнар

13 Сентября 2017

Укылган: 1033 тапкыр

Сергей С. ның туганнары һәм якыннары соңгы көнгә кадәр егетнең кайтуына ышаналар, ләкин шушы көннәрдә аның мәете Спас районында табыла. Татарстанның Тикшерү комитеты "Үтерү" маддәсе буенча җинаять эше ачкан. 

Бу хакта "Казань. Прямой эфир" сайты хәбәр итә. 

«Сережа где же ты, ведь сегодня у тебя юбилей 20 лет, самый тёплый рассвет, а тебя все нет и нет, мы тебя все очень любим и ждём, вернись пожалуйста», - дип язган егетнең әнисе социаль челтәрдәге битендә.

Сергейның беркемгә дә, берни әйтмичә югалуын беркем дә аңлата алмый. Егет Казанда, Авиацион-техник колледжда укыган. Студент 2016 елның 16 декабреннән бирле эзләүдә була. 7 июльдә Ямбакты авылының урман полосасында билгесез ир-атның мәете калдыклары табыла. Экспертлар үлемнең 6 ай элек булганын ачыклый. Төрле экспертиза һәм тикшерүләрдән соң вафат булучының шәхесе ачыклана, ул Әлки районыннан 20 яшьлек Сергей С. булып чыга. Хокук саклау органнарындагы  чыганак белдерүенчә, егетнең тәнендә кыйнау һәм үтерү билгеләре булмый. Хәзерге вакытта үлемнең сәбәбе ачыкланмаган. 

Ачылган җинаять эше кысаларында, егетнең үлеменә китергән сәбәпләрне ачыклау эшләре бара. 


Фикерләр








Хәвеф-хәтәр

"Аллаһка шөкер, кызым исән" - Инвалид кызын коткарырга теләп, ялгыз ана урамда калган

Суд приставлары килгәннән соң, Чаллыда яшәүче 62 яшьлек Инсия Фәрхетдинова инвалид кызы белән үзенең өч бүлмәле фатирын калдырырга мәҗбүр була. Инде икенче атна алар аена 5 мең сум түләп, танышларында яшиләр. Грамоталы кеше -  укытучы - нишләп мондый хәлдә калган соң?  

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла