Гарәп – әүлия дигән сүз түгел: Мансур хәзрәт Җәләлетдин кальян тарту турында

9 Августа 2017

Укылган: 1431 тапкыр

Автор: Алмаз БИККОЛ
Татарстан мөселманнары Диния нәзарәте рәисенең урынбасары Мансур хәзрәт Җәләлетдин кальян тарту күренешләренә дин ягыннан бәя бирә.
- Кальян гарәпләрдә һәм төрекләрдә киң таралган. Төрекләрне алсак, яше дә, карты да тәмәке тарта.

Бүгенге көндә табиблар әйтәләр: “Төтен тәнгә зарар китерә”. Пәйгамбәребезнең (салләллаһу галәйһи вә сәлләм) хәдисе бар: “Тәнегезгә, сәламәтлегезгә зарар китерән әйбер - ул хәрам”.



Шуны истә тотарга кирәк, безгә Аллаһ Тәгалә исәнлекне амәнәт итеп биргән, без аны сакларга тиешбез. Без Аллаһ каршында аның өчен җаваплы. Саулыгыбыз амәнәт булгач, саулыкка зарар китерә торган эшләр эшләү амәнәткә хыянәт. Аллаһ Тәгалә безгә амәнәт итеп биргән исәнлекне үзебезнең акчага сатып алып, кальян тартып зарар китерү акыллы эш түгел. Бу шәригать ягыннан.

Медицина ягыннан карасак, кальян тәмәкедән күпкә зыянлырак. Кальян тарту баш миенә тәэсир итә. Күп кальян тарткан кешенең баш миендә кан йөреше үзгәрә, күзләре дә бозыла.

Гарәп илләрендә кальян тарталар диючеләргә: “Урыс чукына дип безгә дә чукыныргамы?”. Гарәп булгач, ул бик тәкъва мөселманмени? Гарәп – әүлия дигән сүз түгел, ул - милләт. Гарәпләр арасында да төрле кеше бар. Анда да тәмәке, аракы бар. Нишләп гарәп эшләгәнне безгә дә эшләргә ярасын? Бераз акылны эшләтеп карарга кирәк. Гарәпләрдә дә төрмәләр бар. Алар арасында да урлаучы, кеше үтерүче, җәберләүчеләр, аракы эчүчеләр дә бар. Наркотик кулланучылар да бар, әмма бик ук таралмаган, чөнки аның өчен үлем җәзасы каралган.

Фикерләр








Дин

Рамазан ае дәвам итә: танылган шәхесләрнең уразалары ничек үтә?

Рамазан ае – Ислам диненең  ураза гыйбадәтен үтәү ае, сабырлык һәм тәрбия ае. Пакьлек, шәф­катьлелек, сабырлык, миһербанлылык – ураза тотуның төп кыйммәтләре. Билгеле шәхесләр арасында кемнәр ураза тота? "Татар-информ" шуны белеште.

Дин

Җәннәттәге тормыш, сурәт төшерелгән киемнәр, мәетне яру һәм исем кушу турында: туры элемтәдә Йосыф Дәүләтшин

Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин “Туры элемтә” сәхифәсе кысаларында укучыларны кызыксындырган сорауларга җавап бирде. Сезнең игътибарга әлеге әңгәмәне тәкъдим итәбез.

Дин

Татарстанның баш казые: Кыз балага арзанлы әйбер алып бирү - егет тарафыннан әдәпсезлек

Казанның Галиев мәчетендә Дин галимнәре шәригать кануннарына туры килерлек гаилә нинди булырга тиешлеген аңлатты. Мәһәр күләменә килеп җиткәч, уртак фикергә килә алмадылар. Казый мәһәр суммасы зур булырга тиеш дисә, хатын-кызлар егетләрне кызганды. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла