Бәрәңге пешкән судан куелган камыр рецепты

Пәрәмәчләр пешерү өчен бәрәңге пешерергә куярга. Бәрәңге суы 1 стакан булса, 1 бал кашыгы чүпрә салырга, ә 0,5 литр булса, 1 аш кашыгы чүпрә, шикәр комы, 1-2 аш калагы он салып апара куярга. Тоз салырга кирәкми, чөнки бәрәңге суында тоз бар.

Бәрәңге суын кул пешмәслек итеп суытырга, апараны салып камыр басарга, аннары кулга сыек май салып тагын камырны басарга. Камыр тиз кабара, шуңа да эчлекне тиз өлгертү зарур.

Пәрәмәчләрне майда кыздырырга яки мичтә пешерергә мөмкин.

Бу камыр турында "бомба" -ди Тәския ханым.